Бажы кызматы 9 айда планды 6.1 млрд сомго ашык аткарды

Быйыл 9 айда 138 млрд 993 млн сом бажы төлөмдөрү чогултулду. Бул тууралуу Мамлекеттик бажы кызматынын төрагасы Алмаз Салиев “Биринчи радиого” берген маегинде билдирди.

Анын айтымында, Бажы кызматына 9 айга 132 млрд 880 млн сом өлчөмүндө план бекитилип берилген.

Салиевдин айтымында, 2026-жылы Бажы кызматына 157 млрд 555 млн сом киреше чогултуу тапшырмасы коюлган. Ал эми жылдын алгачкы 9 айына 132 млрд 880 млн сомдук план бекитилген. Бул былтыркы жылдын ушул мезгилиндеги көрсөткүчтөн 30%га көп.

Бажы кызматы 9 айда 138 млрд 993 млн сом чогултуп, планды 6 млрд 113 млн сомго ашык аткарган.