Жарыяланган
2025-24-11, 17:46Улуттук банк Бишкектеги “Димайк” акча алмаштыруучу жайынын лицензиясын убактылуу токтотту. Бул тууралуу аталган банк билдирди.
“Дордой-Плаза 2” соода борбору дарегинде жайгашкан акча алмаштыруучу жай өлкө мыйзамдарын жана Улуттук банктын ченемдик укуктук актыларын бузганы үчүн лицензиясы 22-ноябрдан 6-декабрга чейин алынган.
Мындан сырткары, Улуттук банктын лицензиясы жок накталай чет өлкө валютасы менен алмашуу операцияларын жүргүзгөндүгү үчүн Кыргызстандын бир жаранына 17 миң 500 сом өлчөмүндө айып пул салынды.
