Жарыяланган
2026-29-10, 12:1427-28-октябрь күндөрү Ысык-Көлдөн жалпы узундугу 4 миң 600 метрди түзгөн эски синтетикалык тор жана 60 килограмм таштанды чыгарылды. Бул тууралуу Жаратылыш министрлиги билдирди.
Маалыматка ылайык, тазалоо иштери Түп районунун Кудургу, Кичи-Өрүктү жана Ысык-Көл районунун Орто-Өрүктү, Григорьевка айылдарынын аймагында жүргүзүлгөн.
Жалпысынан жыл башынан бери Ысык-Көлдөн 56 миң 200 метр балык уулоочу тор жана 1 тонна 480 килограмм таштанды чыгарылган.
Министрлик бул иштер көлдүн экологиясын сактоо, суу жандыктарын коргоо жана булгануунун алдын алуу максатында жүргүзүлүп жатканын билдирди.
