Кыргыз-казак чек арасындагы «Каркыра» бекетинин иш тартиби өзгөрдү

Кыргыз-казак чек арасындагы "Каркыра" бекетинин иш тартиби өзгөрдү. 

Тиешелүү макулдашууга өзгөртүү киргизүү жөнүндө протоколду ратификациялоо тууралуу мыйзамга президент Садыр Жапаров кол койду. Ага ылайык, аталган бекет эми күнү-түнү иштейт.

Иштөө режимине өзгөртүү киргизүү кыргыз-казак чек арасынан өтүүгө ыңгайлуу шарттарды түзүү жана Ысык-Көл облусунда кышкы туризмди өнүктүрүү, ошону менен бирге ички жана чет элдик туристтердин агымын көбөйтүү, инфратүзүмдү жакшыртуу зарылчылыгы менен шартталган.