Кыргызстанда бир жумада банктар аралык рынокто 58.83 млн доллар сатылды

17–21-август күндөрү Кыргызстандын банктар аралык валюта рыногунда доллар боюнча бүтүмдөрдүн көлөмү 58.83 млн долларды түздү. Бул тууралуу Улуттук банктын маалыматы көрсөтөт.

Анын 38.53 млн доллары же 65.5%ы ошол эле күнү эсептешүү менен жүргүзүлгөн. Калган 20.3 млн доллар боюнча эсептешүү башка күнгө белгиленген.

Эң көп соода 21-августта болгон. Бул күнү 16.6 млн долларлык бүтүм түзүлгөн. Анын 12 млн доллары ошол эле күнү эсептешүү менен жүргүзүлгөн. Бул аптадагы эң аз көрсөткүч болгон 19-августтагы 6.4 млн доллардан 2.6 эсе көп.

Соода көлөмү күндөр боюнча:

•    17-август — 12.8 млн доллар; 
•    18-август — 9.93 млн доллар; 
•    19-август — 6.4 млн доллар; 
•    20-август — 13.1 млн доллар; 
•    21-август — 16.6 млн доллар. 

Соода көлөмү өзгөрүп турганына карабастан, доллардын курсу дээрлик өзгөргөн эмес. Беш соода сессиясынын баарында тең рынок 1 доллар үчүн 87.45 сом деңгээлинде ачылган. Болгону 19-августта жабылуу курсу кыска убакытка 87.445 сомго төмөндөп, кийин кайра 87.45 сомго чыккан.