Жарыяланган
2026-23-04, 18:10Бүгүнкү күнгө карата Кыргызстанда 45 мамлекеттик автомектеп офлайн форматта, ал эми 1 автомектеп онлайн форматта иш алып барып жатат. Бул тууралуу "Акчабарга" унааларды каттоо борборуна караштуу Жол кыймылына уруксат берүү институту билдирди.
Маалыматка ылайык, офлайн форматта билим алып жаткан курсанттардын жалпы саны 2 миң 597 адамды түзөт.
Алардын аймактар боюнча бөлүнүшү төмөнкүдөй:
• Бишкек шаары — 5 автомектеп, 280 курсант
• Чүй облусу — 7 автомектеп, 453 курсант
• Ысык-Көл облусу — 7 автомектеп, 393 курсант
• Нарын облусу — 3 автомектеп, 68 курсант
• Талас облусу — 4 автомектеп, 176 курсант
• Жалал-Абад облусу — 6 автомектеп, 419 курсант
• Ош шаары — 2 автомектеп, 254 курсант
• Ош облусу — 6 автомектеп, 293 курсант
• Баткен облусу — 5 автомектеп, 261 курсант
Мындан тышкары, онлайн форматта 1 миң 507 курсант билим алып жатат.
Сабактар жумасына үч жолу ар кандай убакыттарда өткөрүлөт:
• эртең менен: 09:00–11:00
• күндүз: 14:00–16:00
• кечинде: 18:00–20:00
Учурда курсанттар теориялык сабактарды өтүүдө, ал эми практикалык окутууну уюштуруу маселеси тактала элек.
