22-декабрда Кыргыз фондулук биржасында биринчилик рынокто “Электр станциялары” ААКнын жөнөкөй акцияларын ири жайгаштыруу өттү.

Бир бүтүмдүн алкагында 960,7 миллион акция бир акцияга 4,4751 сомдон сатылып, бул 4,3 миллиард сом тартууга мүмкүндүк берди.

Акцияларды жайгаштыруу 16-декабрдагы акционерлердин кезексиз жалпы чогулушунда кошумча жөнөкөй аталыштагы акцияларды чыгаруу жана коомдун уставдык капиталын көбөйтүү жөнүндө чечимдин бир бөлүгү болуп калды.

Бардык акцияларды Финансы министрлиги жеке жайгаштыруу алкагында сатып алган. Бүтүмгө компаниянын филиалдары – Бишкек Жылуулук электр борбору жана"Бишкекжылуулук" ААКнын мүлктүк комплекстерин өткөрүп берүү учурунда келип чыккан салык милдеттенмеси себеп болгон.