Жарыяланган
2026-07-10, 11:26Нарын шаарында жана Кочкор районунда Мамлекеттик ипотекалык компания курган, жалпы 433 батирди камтыган жаңы көп кабаттуу үйлөр ээлерине тапшырылды. Анын ачылыш аземине Президент Садыр Жапаров катышты.
Маалыматка ылайык, Нарын шаарындагы турак жай комплексинде 216 батир, ал эми Кочкор районундагы комплексте 217 батир бар.
Турак жай комплекстеринде балдар үчүн оюн аянтчасы, эс алуу зоналары, спорттук аянтчалар, кеңсе жайлар, унаа токтотмолору сыяктуу зарыл шарттар каралган.
