Жарыяланган
2026-23-06, 17:30Нарындын Кочкор айылында 217 батирлүү жаңы турак жай комплекси курулуп жатат. Бүгүнкү күндө курулуш иштеринин 80%ы бүткөрүлдү. Бул тууралуу президенттин админстрациясынын маалымат кызматы билдирди.
Президент Садыр Жапаров 23-июнда Нарын облусуна болгон иш сапарынын алкагында Мамлекеттик ипотекалык компания тарабынан курулуп жаткан көп кабаттуу үйлөрдүн курулушу менен таанышты.
Маалыматка ылайык, турак жай комплекси 2 гектар жер тилкесине салынып, беш кабаттуу 8 блоктон турат. Жалпысынан анда 217 батир каралган.
Президенттин Иш башкаруучусу Каныбек Туманбаев курулуш иштери учурда 80%га аяктаганын билдирди.
Объектти көрүп чыккандан кийин Садыр Жапаров долбоорду белгиленген мөөнөттө бүтүрүү жана курулуш иштеринин сапатын көзөмөлдөөнү күчөтүү тапшырмасын берди.
