Жарыяланган
2025-23-10, 16:52Президенттин тапшырмасына ылайык, ак халатчандардын эмгек акысы көтөрүлөт. Бул тууралуу Нарын шаарындагы облустук бириктирилген оорукананын төрөт бөлүмүнүн жаңы имаратынын капсула салуу аземинде УКМКнын төрагасы Камчыбек Ташиев билдирди.
Жаңы имарат 100 орунга ылайыкташып, 4 кабаттан жана жер төлөдөн турат. Долбоорго республикалык бюджеттен 269.766 млн сом бөлүнгөн.
Ташиев медицина кызматкерлеринин эмгеги — дени сак келечектин башаты экенин белгилеп, өлкө жарандарынын ден соолугуна кам көрүүнү, алгач иштөө шарттарын жакшыртуудан баштоо керектигин айтты.
