Жарыяланган
2025-29-08, 15:00Тыйын Абдыкерим Сыдыков, Иманалы Айдарбеков, Жусуп Абдрахманов, Абдыкадыр Орозбеков жана Ишеналы Арабаевге арналган.
Алар XX кылымдын башында кыргыз мамлекеттүүлүгүнүн пайдубалын түптөп, маданиятты, билим берүүнү, экономиканы өнүктүрүүгө салым кошуп, элдин көз карандысыздыгы үчүн күрөшкөн.
Тыйындын алдыңкы бетинде мамлекеттик желектин тегерегинде бул көрунүктүү инсандардын сүрөттөрү жайгашып, “Азыркы Кыргыз мамлекеттүүлүгүн түптөгөн аталар” деген жазуу түшүрүлгөн. Арткы бетинде КРнын герби жана боз үйдүн элементтери бар.
Тыйындын номиналы — 10 сом, салмагы — 33 грамм болгон, 925- күмүш пробасы. Жалпы 500 тыйын гана жүгүртүүгө чыгарылган. Ар бир тыйын атайын кутучага салынып, сапатын тастыктаган сертификаты берилет.
Бир тыйындын баасы - 10 миң 540 сом.
