
Жарыяланган
2026-18-06, 17:12Нарындын Ак-Талаа районунун Баетов айылында заманбап спорт комплекс курулууда. Бул тууралуу Курулуш министрлиги билдирди.
Спорт имаратынын жалпы аянты 2224 чарчы метрди түзөт.
Имаратта 300 көрүүчүгө ылайыкталган спорт зал, күрөш залы, конференц-зал, машыктыруучунун кабинети жана спортчулар үчүн бардык шарттары бар кийим алмаштыруучу бөлмөлөр каралган.
Курулуш иштерин “Кыргызкурулуш” мамлекеттик ишканасы жүргүзүүдө.
Имарат республикалык бюджеттин эсебинен салынууда.



