Жарыяланган
2026-23-04, 16:32Кыргызстанда зергерчилик тармагындагы ишкерлер үчүн 6% менен жеңилдетилген насыя берүү тартиби бекитилди. Бул тууралуу Салык кызматы билдирди.
Жаңы шарттарга ылайык, зергерлер 90 млн сомго чейин насыяны 5 жылга чейин ала алышат. Ошондой эле 180 күндүк жеңилдетилген мөөнөт каралган.
Насыя «Айыл Банк» жана «Элдик Банк» аркылуу берилет. Банктарга кошумча комиссияларды жана жыйымдарды албоо сунушталган.
Долбоор 2028-жылга чейин иштейт. Каражаттардын максаттуу пайдаланылышын салык органдары жана Баалуу металлдар департаменти көзөмөлдөйт.
Каржылоо жабдууларды жаңылоого, өндүрүштү кеңейтүүгө жана ата мекендик зер буюмдарынын атаандаштыкка жөндөмдүүлүгүн жогорулатууга багытталган.
