Бишкекте дээрлик үч миң батирлүү ипотекалык үй курула баштады. Бул тууралуу Мамлекеттик ипотекалык компаниядан билдиришти.

Анын жалпы аянты дээрлик 13 гектарды түзөт.

Тогуз кабаттан турган 51 блок үйдө 2 миң 990 батир болот. Ошондой эле комлексте мектеп, бала бакча, спорт жана балдар аянтчалары, соода дүкөндөрү, унаа токтоочу жана коомдук тамактануучу жайлар каралган.

Үйлөр курулуп бүткөндө “Менин үйүм 2021-2026” турак жай программасынын шарттарына ылайык 15, 25 жылдык мөөнөткө ипотекага берилет.

Бүгүнкү күндө өлкө боюнча 12 миңден ашык батирлүү көп кабаттуу турак үйлөр курулууда.