Айыл чарба министрлиги 21-апрелге карата “Айыл чарбасын каржылоо-10” долбоору боюнча жалпы баасы 2 млрд 491 млн 505 миң сомго 5 миң 46 насыя берилгенин маалымдады.

Маалыматка ылайык, жогоруда белгиленген жалпы каражат өсүмдүк өстүрүү, мал чарбачылыгы жана айыл чарба продукциясын кайра иштетүү деген үч категория боюнча берилген.

"Өсүмдүк өстүрүү" категориясы боюнча жалпы 886 млн 933 миң сомго 2 090 насыя берилди, анын ичинен:

• "Айыл Банк" 884 кредит — 393 млн 948 миң сом;
• "РСК Банк" 1027 кредит — 407 млн 450 миң сом;
• КИКБ ЖЧКсы 179 кредит — 65 млн 535 миң сом.

Мал чарбачылык категориясы боюнча жалпы 1 млрд 597 млн 684 миң сомго 3 396 кредит берилген, анын ичинен:

• "Айыл Банк" 1 193 кредит — 754 млн 874 миң сом;
• "РСК Банк", 1 800 кредит — 835 млн 579 миң сом;
• КИКБ ЖЧКсы 287 кредит — 143 млн 455 миң сом.

Агро кайра иштетүү багытына жалпы 121 млн 860 миң сомго 77 насыя берилген, анын ичинен:

• "Айыл Банк" 41 кредит — 82 млн 640 миң сом;
• "РСК Банк" 26 кредит — 84 млн 510 миң сом;
• КИКБ ЖЧКсы 10 кредит — 35 млн сом.