18-октябрга карата «Кепилдик фонду» ААКсынын кепилдиги астында банктар тарабынан бекитилген кредиттердин суммасы 5 млрд 88 млн сомду түзгөн. Бул тууралуу маалымат жыйында "Кепилдик фонду" ААК башкармалыгынын төрагасы Малик-Айдар Абакиров билдирди.

Анын айтуусунда, 1 млрд 373 млн сомго 1077 кепилдик берилген.

«Үстүбүздөгү жылдын көрсөткүчтөрү өскөн: 618,5 млн сомго 421 кепилдик берилген. Өнөктөштөр банктар тарабынан бекитилген кредиттердин көлөмү 2 млрд 336 млн сомду түзгөн», - деп билдирди Абакиров.

Ал кошумчалагандай, берилген кепилдиктердин алкагында 1 миң жаңы жумуш орду тузүлгөн, андан тышкары, 3 миң жумушчу орундары колдоого алынган.