Өкмөт мамлекеттик бюджеттин эсебинен 100 миң сомго чейин насыя алгандардын үстөк пайызын төлөп берерин билдирген. Финансы министрлиги билдиргендей, бул үчүн атайын 1.2 млрд сом бөлүнгөн.

Жарандардын насыясынын 3 айлык үстөк пайызын өкмөт банктарга мунапыстан түшкөн акчага төлөп берет

Белгилей кетсек, 100 миң сомго чейин насыя алган бардык кыргызстандыктарга тең жардам берилбейт. Финансы министрлиги 248 финансы-насыя уюмдары менен бирге пайыздарды субсидиялоо боюнча макулдашууну жүргүзөт. Бирок, жардам финансы-насыя уюмдары тарабынан сунушталган гана жарандарга көрсөтүлөт.

Маалым болгондой, 2020-жылдын декабрь жана 2021-жылдын январь, февраль айындагы үстөк пайыздар төлөнүп берилет.

Эске сала кетсек, бул жардам экономикалык амнистиядан түшкөн каражаттардын эсебинен бөлүнөт.