8 ай ичинде чек арачылар 40 млн сомдук аткезчиликке бөгөт коюшкан

18.09.2020, 15:45 Акчабар
8 ай ичинде чек арачылар 40 млн сомдук аткезчиликке бөгөт коюшкан

КР Мамлекеттик чек ара кызматы 2020-жылдын 8 айында аткарылган иш жөнүндө маалымат берди.

Маалыматка ылайык, 2020-жылдын 8 ай ичинде 240 адам мамлекеттик чек араны мыйзамсыз кесип өтүүгө аракет кылган факт аныкталган.

Үстүбүздөгү жылдын январь-август айында чек арачылар 4 даана курал-жарак жана 80ден ашуун ок-дары, ошондой эле кызмат өтөө учурунда курал-жарак катылган жай табышкан. Бул убакыт аралыгында жалпы суммасы 40 млн сомдон ашуун болгон аткезчилик жүктүн алынып өтүшүнө бөгөт коюлган.

«Сегиз ай ичинде 5 390 000ден ашык адам жана 501 миңден ашуун автотранспорт каражаты көзөмөл өткөрүү жайлары аркылуу мамлекеттик чек араны кесип өткөн. Туура эмес документтери менен 1 082 адам кармалган. Алсак, «Чоң-Капка-автожол» көзөмөл жайынан Кыргызстандан чыгып бара жатканда Казакстан Республикасынын эки жараны туура эмес документтери менен кармалышкан. Дыкат текшерүүдөн өткөрүү учурунда алардын жанынан 3 миллион сомдон ашуун акча каражаты табылып, алар кайдан алынганын түшүндүрүп бере алышкан эмес», - деп айтылат маалыматта.

Кыргыз-өзбек мамлекеттик чек ара тилкесинде Баткен чек ара отрядынын чек арачылары Кызыл-Кыяк капчыгайында Кыргызстандан Өзбекстанга 13 тоннадан ашык цементти өткөрүү жайынан тышкары жерден мыйзамсыз алып өтүүгө аракет кылган, ошону менен бирге чек ара кезметине каршылык көрсөткөн Кыргызстандын жаранын кармашкан.

Тэги: чек ара кызматы факт январь-август Аткезчилик

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар для iPhone

  • Курсы валют в Бишкеке
  • Новости и аналитика
  • Карта банкоматов
Закрыть

Акчабар для Android

  • Курсы валют в Бишкеке
  • Новости и аналитика
  • Карта банкоматов и сберкасс
Закрыть
<
×