Свердлов райондук сотунда бүгүн, 25-сентябрда ЖЭБди модернизациялоодогу мыйзам бузуулар боюнча айыпталып жаткан С.Исаков, Ж.Сатыбалдиев, О.Лаврова, О.Артыкбаев, А.Калиев, С.Авазов, Ж.Назаров, Т.Биримкуловдордун соттук отуруму болду.

Адвокат Замир Жоошев Каржы министрлиги жана Тышкы иштер министрлигинин өкүлдөрүн чакыруу боюнча сотко өтүнүч жолдоду. Адвокаттын бул өтүнүчүнө прокурор өз каршылыгын билдирди. .

Сотко күбө катары ЖЭБ Бишкекти модернизациялоо долбоорунун эксперттик топтун аудит боюнча адиси келди. Ал прокурордун TBEA компаниясы ким аркылуу сунушталган деген суроосуна, С.Исаков тышкы саясат бөлүмүнүн башчысы болуп турган Нурсулуу Ахметова менен биргеликте президентке ЖЭБ Бишкекти модернизациялоо керектиги тууралуу кайрылышканын билдирди.

Адистин айтымында, Кыргызстандын эч кандай кызыкчылыгы сакталган эмес.