Ордо калаада 4-апрелден тарта жылуулук берүү токтотулат. Шаардык мэриядан билдиришкендей, мындай чечим бүгүн күз-кыш мезгилине даярдык боюнча оперативдүү штабдын жыйынында кабыл алынды.

“ӨКМдин гидрометеорологиялык башкармалыгынын маалыматына ылайык, 31-марттан тарта абанын температурасы жогорулайт. Катуу суук күтүлбөйт”, - деп айтылат билдирүүдө.

Белгилеп кетсек, жылуулук абанын суткалык температурасы беш күн катары менен +8 градустан жогору болгондо өчүрүлөт.