Бюджетке түшкөн акчалардын 70% ишкерлерден түшөт. Бул тууралуу бүгүн, 16-сентябрда КР бизнес-ассоциациялар улуттук альянсынын жетекчиси Сталбек Акматов кыргыз-түрк бизнес-форумунда билдирди.

Анын айтымына караганда, бүгүнкү күндө Кыргызстанда 75 бизнес ассоциация бар, бул дээрлик бардык бизнес деп билдирди.

“Түркмөнстан Кыргызстанга соода үйүн салууну пландаштырууда, бул бизнестерди бириктирүү үчүн абдан жакшы демилге. Бизнести өнүктүрүү үчүн атайын чектөөлөр деле жок, бирок идеалдуу мыйзам болбойт, жакынкы 5 жылдыкта мыйзам долбоорун карап чыгыш керек. Мисалга, салыктарды карасак бизнеске ылайык, дайыма Салык кодексине өзгөртүүлөрдү киргизип турабыз. Бул жагынан алганда бийлик дайыма биздин сунушубузду кабыл алып, суроолор чечилип турат. Кыргызстан – бизнес үчүн бейиш деп айта албайм, бирок биз буга аракет кылуудабыз” – деп билдирди.