Жалал-Абад облусунун дыйкандары жаңгакты эки эсе арзан сатууда. Бул тууралуу айыл чарба министри Аскарбек Жаныбеков билдирди.

Анын айтымында, былтыр дыйкандар түшүмүн 80-85 сомдон сатса, быйыл 35 сомдон сатышууда. Бул түшүмдүн көп болгондугуна байланыштуу.

Министр дыйкандар жаңгакты кымбат сатуу үчүн жок дегенде таңгактаганды үйрөнүшү керек деп түшүндүрдү.

“Баардыгы таңгакталган жаңгактын баасы мүшөктөгү жаңгактарга караганда бир топ жогору экенин жакшы билет”, - деди министр.