Быйыл 11 айда Кыргызстанда 33 өзгөчө кырдаал катталып, алардын кесепетинен 44 адам каза болду. Бул тууралуу өзгөчө кырдаалдар министри Бообек Ажикеев билдирди.

Маалыматка ылайык, келтирилген материалдык чыгымдын жалпы суммасы 293 млн 628,5 миң сомду түздү. Ал эми былтыр ушул мезгилде өзгөчө кырдаалдардын кесепетинен 342 адам каза болсо, келтирилген чыгым 4 млрд 599 млн 526,7 миң сомду түзгөн.

"Быйыл өзгөчө кырдаалдар былтыркы жылга салыштырмалуу 44,4% пайызга азайды", - деди ал.