Эмгек, социалдык камсыздоо жана миграция министрлигинин тутумунда республикалык бюджеттен каржылануучу 17 социалдык стационардык мекеме иштейт. Бул тууралуу тиешелүү министрликтен билдиришти.

Белгиленгендей, учурда бул социалдык мекемелерде улгайган жарандар, чоңдор жана ден-соолугунун мүмкүнчүлүгү чектелген балдарды кошкондо 2352 адам баш калкалайт.

Бул социалдык стационардык мекемелерде:

• карылар жана ден-соолугунун мүмкүнчүлүктөрү чектелүү адамдар үчүн - бир адамга күнүнө 200 сом;
• психоневрологиялык оорулары бар чоңдор үчүн – бир адамга күнүнө 200 сом;
• психоневрологиялык оорулары бар балдар үчүн – бир адамга күнүнө 220 сом.