“Камбар-Ата - 1” ГЭСин куруу долбоорун ишке ашыруу боюнча изилдөө жана монтаждоо иштеринин алкагында Нарын дарыясынын нугун буруу иштери жүрүүдө.

Маалыматка ылайык, аны “Нарын гидроэнерго курулуш” компаниясы ишке ашырууда.

“352 миң 739 куб көлөмдө тоо кыртышын казуу иштери жана курулуш-монтаждоо иштери жүргүзүлдү. 1056 куб көлөмдө бетон төшөлдү. Узундугу 2500 метр, 110 кВольт аба чубалгысы тартылды. 6426 метр көлөмдө бургулоо жана жардыруу иштери жасалды. Бул планды ишке ашыруу үчүн бюджеттен 1 млрд 555 млн сом бөлүнгөн”, - деди Министрлер кабинетинин төрагасынын орун басары Бакыт Төрөбаев.