Нарын районунун Кеңеш айылындагы контейнерлерден тургузулган мектептин ордуна жаңы мектеп курулат. 150 окуучуга эсептелген орто мектептин жаңы имаратынын курулушу жүрүп жатат. Бул тууралуу президенттин Нарын облусуна болгон иш сапарында маалым болду.

2,3 миң гектардан ашык жерди сугат менен камсыз кылуу үчүн Дүйнөлүк банктан 57 миллион сом бөлүнгөн

Мектептин мурдагы имараты 1971-жылы салынган жана учурда авариялык абалда турат. Өткөн жылы окуучулар контейнерлерден тургузулган мобилдүү мектепте окууга аргасыз болушкан. Бул коомчулукта кеңири резонансты жараткан. Жергиликтүү тургундар жаңы мектеп куруп берүү өтүнүчү менен кайрылышкан жана 2020-жылы курулуш иштери башталган.

«Мектепти куруп жаткан подрядчыларга кайрылган Мамлекет башчысы курулушту үстүбүздөгү жылда бүткөрүүнүн өзгөчө зарылдыгын белгиледи», - деп жазылат маалыматта.

Жаңы мектептин курулуш иштерин ноябрь айында бүткөрүлөт.