Борбордук шайлоо комиссиясынны берген маалыматына ылайык, мөөнөтүнөн мурда президенттик шайлоону өткөрүүгө 549.2 млн сом керектелет. Бул тууралуу финансы министрлиги маалымдады.

[news 28731]

Чыгымдын бир бөлүгүн же 38.7% БШКнын эсебиндеги мурун пайдаланылбаган каражаттардын эсебинен жабуу пландаштырылган (212.7 млн сом).

Муну менен катар, президенттик шайлоону мөөнөтүнөн мурда өткөрүүгө 336.5 млн сом керектелет, анын ичинен 136.5 млн сом 2020-жылы бөлүнөт жана 200 млн сом 2021-жылы республикалык бюджеттен шайлоону жыйынтыктоого бөлүнөт.

Эске сала кетсек, «Президентти жана Жогорку Кеңештин депутаттарын шайлоо жөнүндө» Кыргыз Республикасынын Конституциялык Мыйзамынын 48-беренесинин 2-бөлүгүнө ылайык, кезексиз президенттик шайлоо учурдагы мамлекет башчысынын ыйгарым укуктары токтотулган күндөн тартып үч айдан кечиктирилбестен, башкача айтканда, 2020-жылдын ноябрынан 2021-жылдын январына чейин өткөрүлүүгө тийиш.