Жогорку Кеңештин Бюджет, экономикалык жана фискалдык саясат боюнча комитетинин жыйынында Министрлер кабинетинин төрагасы Акылбек Жапаров ККМ ишке ашкандан кийин Милдеттүү медициналык камсыздандыруу фондуна түшкөн кирешелер боюнча иштерин билдирди.

Өкмөт башчы кошумчалагандай, “Кыргызфармация” түзүлгөндөн бери онкологиялык оорулууларга бекер дары-дармектер бериле баштаган. Мунун баары каражатты талап кылат.

“Биз урологияга жаңы жабдууларды сатып алдык. Бир адам кандайдыр бир процедурадан өтпөгөндүгү тууралуу арыз менен келген. Ал камсыздандырылган эмес экен. Баарыбыз камсыздандырууну алышыбыз керек экенин түшүнөбүз. Калктын арасында байлар, орто класстар жана кедейлер бар. 220 миңге жакын жакырлар бар. Алардын баары бизде катталган, биз аларга жардам беребиз. Калгандары камсыздандырылышы керек”, - деди Жапаров.