Быйыл январь-август айларында цемент экспорту 27,91%га кыскарган. Бул тууралуу Улуттук статистика комитети билдирди.

Маалыматка ылайык, быйыл Кыргызстан 1 млрд 121 млн 53,2 миң сомго 320 миң 703,9 тонна цемент экспорттоду. Ал эми 2022-жылы сегиз айда 1 млрд 538 млн 483,3 миң сомго 444 миң 893,4 тонна цемент экспорттогон.

Белгилеп кетсек, экспорттун көлөмү 27,13%га азайган.

Кошумчалай кетсек, Кыргызстан цементти бир гана Өзбекстанга экспорттойт.