Соль-Илецктен 963 жаран автобус менен алынып келди

06.07.2020, 13:50 Акчабар
Соль-Илецктен 963 жаран автобус менен алынып келди

Россиянын Оренбург облусунун Соль-Илецк шаарынан Бишкекке 963 жаран автобус менен алынып келди. Бул тууралуу Тышкы иштер министрлигинен билдиришти.

Министрликтен билдиришкендей, Соль-Илецк шаарында туруп калган кыргызстандык жарандарды мекенине алып кетүү үчүн Казакстан менен транспорттук коридиор түзүп берүү маселеси макулдашылган.

«Кыргызстандын жарандарын Россиядан кайтаруу автобустар менен ишке ашырылууда. Бүгүн, 6-июль күнү 20 автобус менен 963 жаран Кыргызстанга келди. Казакстандын жол полиция кызматынын коштоосунда дагы 12 автобус менен 533 жаран кыргыз-казак чек ара көздөй келе жатат», — деп билдирет министрлик.

Тышкы иштер министрлиги, Россияда жүргөн кыргызстандык жарандарды чек ара ачылганга чейин орус-казак чек арасына келбөөнү суранат. Ошондой эле министрлик, кыргызстандык жарандардын орус-казак чек арасына келип, топтолушун алдын алуу максатында Россиядан (Москва, Новосибирск жана Екатеринбургдан) Кыргызстанга учкан чартердик каттамдардын саны көбөйтүлгөнүн билдирет.

Тэги: Тышкы иштер министрлиги Россия Оренбург облусу Соль-Илецк шаары Бишкек

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар для iPhone

  • Курсы валют в Бишкеке
  • Новости и аналитика
  • Карта банкоматов
Закрыть

Акчабар для Android

  • Курсы валют в Бишкеке
  • Новости и аналитика
  • Карта банкоматов и сберкасс
Закрыть
<
×