Өзгөн шаарында жеке менчикке мыйзамсыз өтүп кеткен жер тилкелери аныкталды. Бул тууралуу УКМКдан билдиришти.

Маалыматка ылайык, 2003-2005-жылдары борбордук стадиондун аймагындагы жана Н.Азнабакиев атындагы сейил бактан убактылуу пайдаланууга берилген жер тилкелери мыйзамсыз түрдө Кыргызстандын жарандарына жеке менчикке өтүп, кийин аларга 2 чайкана курулган.

“Келтирилген зыяндын көлөмүн аныктоо үчүн экспертиза дайындалып, анын жыйынтыгы боюнча объекттердин рыноктук баасы 42 млн 407 миң сомго бааланган”, - деп айтылат маалыматта.

Жер тилкелеринин жана чайкананын ээлери менен сүйлөшүүлөрдүн жүрүшүндө келтирилген зыяндын ордун толтуруу катары аталган объектилерди өз ыктыяры менен мамлекеттин балансына өткөрүү боюнча келишим түзүлдү.