Жапониялык инвесторлор Кыргызстанга инвестиция салгысы келет. Бул тууралуу АӨБ банкынын экономисти Лилия Алексанян билдирди.

Анын айтымында, Кыргызстанга инвестиция тартууга тоскоолдук болуп жаткан эң негизги нерсе мыйзамдык базанын начардыгы. Учурда Кыргызстан эң аз түз чет элдик инвестициясы бар өлкө бойдон калууда.

АӨБнын туруктуу өкүлчүлүгүнүн директору Чжэн Ву белгилегендей, банк инвестиция үчүн жагымдуу шарттарды түзүү боюнча өкмөт менен тынымсыз иш алып барууда жана бул процесс тез эмес, бирок өлкө туура багытта бара жатат.

“Эл аралык инвесторлор бул жерде алардын укуктары корголгондугун көргөндө, алар МЖӨнүн ийгиликтүү үлгүлөрүн көрүшкөндө, алар бара-бара Кыргызстанга көбүрөөк инвестиция салат”, - деди ал.