Учурда Бишкек Жылуулук электр борборунда эки гана отказан иштеп жатат. Бул тууралуу бүгүн маалымат жыйынында өзгөчө кырдаалдар министри Бообек Ажыкеев билдирди.

Анын айтымында, кечке чейин борбор калаадагы ЖЭБде дагы төртөө ишке киргизилет, бирок бул жылуулук системасын толук калыбына келтире албайт.

“Бир аз жылуураак болот. Кызмат көрсөтүү температурасы 50 градуска чейин көтөрүлөт. Казандар даяр, бирок кырсык учурунда суу чыгып, катуу көтөрүлүп кеткен. Биз азыр аны сордуруунун үстүндө иштеп жатабыз. Биз муну жасамайынча электр жарыгы берилбейт. Бул ал жерде иштегендерге кооптуу болушу мүмкүн”, - дейт Бообек Ажыкеев.