“Ала-Арча” соода борборундагы 2 миң чарчы метр турак-жай эмес жайлар мамлекетке кайтарылды. Бул тууралуу Улуттук коопсуздук мамлекеттик комитети билдирди.

Маалыматка ылайык, 2007-жылы Э.И.Г. Тынчтык проспектисинде коомдук жана соода борбору бар көп кабаттуу турак жай комплексин долбоорлоо жана куруу үчүн 2,16 га жер тилкеси 49 жылдык мөөнөткө убактылуу пайдаланууга берилген. 

Бишкек шаарынын мэриясы тарабынан жогоруда аталган жер тилкелерин берүү шарттарына ылайык, үй ээси курулган турак жайдын 10%ын муниципалдык менчикке өткөрүп берүүгө милдеттендирилген.

Бирок 2017-жылы Э.И.Г. жерди пайдалануу укугун башка адамга сатып, сатып алган адам “Ала-Арча” соода борборун курган.

“Бул аймакта балдар аттракциону бар, андан кийин ижара акысы шаардык бюджетке түшөт”, - деп белгилешти УКМКдан.