Мамлекеттик бажы кызматы кызматтык ички иликтөө жүргүзүп, анын жыйынтыгында 21 кызматкер иштен бошотулду. Бул тууралуу аталган мекемеден билдиришти. 

Маалыматка ылайык, тергөөнүн жыйынтыгы менен бажы органдарынын кызматкерлери тарабынан одоно тартип бузуу фактылары жана коррупциялык укук бузуу фактылары аныкталган.

"Бажы кызматынын аброюна шек келтирген кызматтык тартипти одоно бузгандыгы үчүн ”Кыргыз Республикасынын укук коргоо органдарында кызмат өтөө жөнүндө” өлкө мыйзамына ылайык, 21 кызматкер ишеним жоготкондугу үчүн (инспекторлордон баштап жогорку кызмат адамдарына чейин) кызматтан бошотулду", - деп айтылат маалыматта. 

Ошондой эле, 13 кызматкерге катуу тартиптик чара көрүлгөн.

Кызматтык иликтөөнүн материалдары юридикалык баа берүү жана чара көрүү үчүн тиешелүү ыйгарым органдарга өткөрүлүп берилди.