Шайлоо өнөктүгүн өткөрүүгө байланышкан чыгымдарды жабууга талапкерлердин шайлоо фонддорунан 9 млн. 405 миң сом сарпталды. Бул тууралуу Борбордук шайлоо комиссиясынан билдиришти.

Мыйзам ченемдерине ылайык бир мандаттуу округдар боюнча талапкерлердин шайлоо фонддору төмөнкү каражаттардын эсебинен түзүлүшү мүмкүн:

• 150 миң сомдон ашпаган талапкердин жеке каражаттары;
• 1 млн. сомдон ашпаган саясий партиянын өздүк каражаттары;
• ар бири 200 миң сомдон ашпаган жеке адамдардыныктыярдуу кайрымдуулук каражаттары;
• юридикалык жактардын ыктыярдуу кайрымдуулуккаражаттары, алардын ар бири 500 миң сомдон ашпайт.

Белгилеп кетсек, №26 Ленин бир мандаттуу шайлоо округу боюнча Жогорку Кеңештин депутаттыгын мөөнөтүнөн мурда шайлоого 49 талапкер көрсөтүлгөн. 32 талапкер катталып, 3 талапкер андан ары шайлоого катышуудан баш тартты.

Добуш берүү 28-майда болот. Ленин району боюнча депутатты шайлоонун жыйынтыктары 11-июнга чейин аныкталат.