Айрым маданият ишмерлери мамлекеттик иш-чараларга чакырылып, ар кандай шылтоолор менен чоочундарга акча которууну талап кылып жатканын айтышууда. Булар шылуундар иши. Бул тууралуу президенттин басма сөз катчысы Аскат Алагөзов Facebook баракчасына жазды.

Ал белгилегендей, мамлекеттик кызматкерлер эч качан майрамдык иш-чараларга, президенттин, Министрлер кабинетинин төрагасынын жана башка расмий адамдардын атынан сыйлык тапшыруу үчүн акча чогултушпайт.

Алагөзов мындай учурларда укук коргоо органдарына кайрылуу керектигин кошумчалады.