Кыргызстан эл аралык тажрыйбадагы юридикалык консультацияга 1,5 миллион доллар сарптайт. Бул тууралуу “Кумтөр” боюнча мамлекеттик комиссиянын башчысы Акылбек Жапаров парламент жыйынында билдирди. 

Анын айтымында, үч компания Кыргызстанга өз кызматын көрсөтөт. Өлкө буга чейин аларга 630 миң доллар төлөп берген.

“Келишимде эгер арбитраждык сот болсо, ал Нью-Йоркто болот деп жазылган. Бардык салык талаштары ошол жерде болот. Жана англис мыйзамдарында чечмелөөлөр бар болгондуктан, үч чет элдик компания жалданган”, - деп түшүндүрдү депутат.

Эл өкүлү жергиликтүү адистерге канча төлөнгөнүн так айткан жок.