Кырдаалга байланыштуу электр энергияны убагында төлөбөгөндөр үчүн пения 1-апрелден тарта токтотулат. Бул тууралуу ААК «Түндүкэлектр» ишканасынан билдиришти.
«Республикага өзгөчө абал киргизилгендигине байланыштуу, КР аймагындагы бардык абоненттер электр энергияга болгон акыны убагында төлөй алышпайт. Ошол себептен компания 1-апрелден тарта пения кошууну токтотту», - деп жазылат маалыматта.
ААК «Түндүкэлектр» ишканасы электр энергияга болгон төлөмдү электрондук капчык же төлөм терминалдары аркылуу жүргүзүүнү сунуштайт.
Эске сала кетсек, төлөм сатуу түйүндөрү жана MegaCom компаниясы аркылуу акысыз жүргүзүлөт.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
