JIA бизнес-ассоциациясынын 2024-2025-жылдарга ар бир облустун аймактык кеңеши тарабынан шайланган 21 мүчөдөн турган кеңешинин жыйынынын алкагында төраганы шайлоо өттү. Бул тууралуу аталган ассоциациянын басма сөз кызматы билдирди.

Башкармалыктын төрагалыгына 2019-жылдан бери бул кызматты аркалап келген Жоодар Омошов кайрадан шайланды. Төраганын орун басарлары Мэлс Эркинбек жана Жеңишбек Абдрахманов болду. Төраганын орун басарларынын бирден эки мүчөгө чейин кеңейиши ассоциациянын башкаруу структурасындагы олуттуу өзгөрүү болуп саналат.