Дүйнөлүк банк 13 пилоттук токой чарбасына 27 даана атайын техника жана 102 даана атайын жабдуу тартуулады. Бул тууралуу Өкмөттүн басма сөз кызматы билдирет. 

Өкмөт башчы Мухаммедкалый Абылгазиевдин айтымында, атайын техникалардын жана жабдуулардын жаңыланышы – бул өлкөнүн токой чарба тармагы үчүн маанилүү жана өзгөчө окуя. 

«Токой чарбаларын заманбап техника жана жабдуулар менен камсыздандыруу – бул токойлорду коргоо жана сактоо боюнча иш-чаралардын натыйжалуулугун жогорулатуусуна багытталган стратегиялык артыкчылыктардын бири. 13 токой чарбасы жогоруда айтылган сандагы техникалар жана жабдууларга ээ болуу менен, дээрлик толук жаңыланды», – деди Мухаммедкалый Абылгазиев.