Жогорку Кеңештин бюджет жана финансы комитети 29-апрелде «Кыргыз Республикасы жана Азия өнүктүрүү банкынын ортосундагы  2019-жылдын декабрь айында Бишкек шаарында кол коюлган кредиттик макулдашууну  (Нарын облусунун айылдарын суу менен камсыздоону жана санитариясын жакшыртуу программасы) ратификациялоо тууралуу» мыйзам долбоорун жактырды. Бул тууралуу ЖК басма сөз кызматы билдирди. 

Дыйкандар үчүн өкмөттүн көрсөтүп жаткан көмөгү жетишсиз

Нарын облусунун айылдарын суу менен камсыздоону жана санитарияны өнүктүрүү программасын жүзөгө ашырууга Азия өнүктүрүү банкы тарабынан 32.9 млн АКШ доллары бөлүнүүдө.

- Азия өнүктүрүү банкынын атайын фондунан 13.7 млн АКШ доллары өлчөмүндө грант;

- Азия өнүктүрүү банкы 13.7 млн АКШ доллар насыя;

- Өкмөт 5.5 млн доллар өлчөмүндө кош каржылоо жасалып, бул каражат салыктарга жана долбоорду ишке ашырууну колдоого жумшалат.

Азия өнүктүрүү банкынын насыя берүүдөгү финансылык шарттары: насыя 32 жылга,  анын ичинде 8 жылга 1% жана 1.5% үстөк коюлуп, жеңилдетилген мөөнөткө  берилет. Долбоорду аткаруу мөөнөтү 6 жыл.

Талкуу учурунда депутаттар аймактарда калкты таза суу менен камсыздоо маселелерин көтөрдү.