10 сотых “Капитан” сортундагы карагаттан 1 млн сомго чейин киреше тапса болот

10 сотых “Капитан” сортундагы карагаттан 1 млн сомго чейин киреше тапса болот. Бул тууралуу Айыл чарба министрлиги билдирди.

Ак-Сай айылынын жаш багбаны  карагат эгип, багбанчылык менен алектенет. Багбандын айтымында, карагатты өстүрүү көп эмгекти талап кылбайт. Эң башкысы – тамырын таза кармоо жана дарактарды туура тейлөө.

Капитан сортунун өзгөчөлүктөрү:

-    Жемиштери чоң жана даамдуу, базарда баасы жогору.
-    Түшүмдү алуу дарактарды айдагандан кийин 3 жылдан соң башталат.
-    Өсүмдүк тез бышат жана 10 сотых жерден эң жакшы түшүм алганда 1.5–2 тоннага чейин түшүм алуу мүмкүн.

Учурда базар баасы 300–400 сомго чейин жетип жатат. Азыр “Капитан” карагатынын көчөттөрү Кыргызстандын бардык аймактарына сатылууда, баасы 150–180 сомду түзөт. Ошондой эле багбанда кызыл карагат, кара карагат жана жөнөкөй карагат сыяктуу башка сорттор да өстүрүлөт; алардын баасы болжол менен 250 сомдон башталат.

Багбандын айтымында, карагатка үзгүлтүксүз кам көрүү, сугаруу жана азыктандыруу иштери жүргүзүлүп, түшүмдүүлүктү жогорулатууга багытталган агротехникалык чаралар колдонулат.

Бул иш-аракеттер айылдыктар үчүн жаңы жумуш орундарын түзүүгө, ошондой эле жергиликтүү рынокко сапаттуу мөмө-жемиштерди жеткирүүгө өбөлгө түзөт.