Жарыяланган
2025-28-11, 16:32Алай районунун Кең-Жылга айылында 275 орунга ылайыкталган мектеп курулууда. Бул тууралуу Курулуш министрлиги билдирди.
Долбоор республикалык бюджеттен 120 млн сомго салынууда.
Эки кабаттуу мектепте негизги окуу класстардан тышкары лаборатория, дарыгердин бөлмөсү, жыйындар залы, китепкана, кыздар жана балдар үчүн эмгек класстары каралган.
Объекттин жалпы аянты 1659 чарчы метрди түзөт. Учурда имараттын экинчи кабаты тургузулуп, чатыры жабылып жатат.
