Баткенде жогорку чыңалуудагы жалпы 1400 км аба чубалгы оңдоп-түзөөдөн өткөрүлөт

Баткенде жогорку чыңалуудагы жалпы 1400 км аба чубалгы оңдоп-түзөөдөн өткөрүлөт. Бул тууралуу Энергетика министрлигинен билдиришти.

Маалымат боюнча, 2026-жылга каралган план-графикке ылайык 20 км аба чубалгы капиталдык оңдоодон, 1380 км аба чубалгы кезектеги оңдоп-түзөөдөн өткөрүлөт.

Аталган иштер 2026–2027-жылдардын күз-кыш мезгилине даярдык көрүү максатында уюштурулуп, март айынан тарта ноябрь айына чейин этап-этабы менен ишке ашырылат.

Оңдоп-түзөө иштери Баткен облусунун Кадамжай, Лейлек жана Баткен райондорунун аймагында жүргүзүлөт.

Учурда жогорку чыңалуудагы аба тармактар кызматынын Сүлүктү участогунда 110 кВ «Ходжа-Бакирган–Арка» жана 110 кВ «Арка–Морская» аба чубалгыларында жалпы 7 км аралыкта пландуу оңдоп-түзөө иштери башталды. 

Бул иштердин алкагында эскилиги жеткен 190 даана изолятор жаңысына алмаштырылат. Мындан тышкары, изоляторлор менен бирге линиялык арматуралар да жаңыланып, техникалык талаптарга жооп берген заманбап жабдуулар орнотулат.