Жарыяланган
2025-29-08, 10:58Административдик-аймактык реформанын алкагында борборго кошулган аймактан 3,6 гектар жер тилкеси мамлекеттин менчигине кайтарылды. Бул тууралуу УКМК билдирди.
Маалыматка ылайык, Бишкектеги Кара-Жыгач айылындагы Анкара менен Ф.Достоевский көчөлөрүнүн кесилишинде жайгашкан айыл чарба багытындагы жер тилкеси мыйзамсыз жеке менчикке өткөрүлгөнү аныкталган.
Бул факты боюнча КР Кылмыш-жаза кодексинин 337-беренеси (кызмат абалынан кыянаттык менен пайдалануу) боюнча кылмыш иши козголуп, жер тилке мамлекетке кайтарылды.
Атайын кызмат мыйзамсыз менчиктештирилген мүлктөрдү кайра кайтаруу иштерин улантууда.
