Жарыяланган
2025-28-08, 18:01Кадамжай райондук прокуратурасы Исхак-Полотхан аймагындагы кызматкерлерге ыйгарым укуктарынан кыянат пайдалануу фактысы боюнча кылмыш ишин козгоду.
Айыл өкмөтүнүн жооптуу кызматкерлери Жер кодексинин жана турак жай курулушу үчүн жер тилкелерин берүү тартибин жөнгө салган өкмөттүн токтомунун талаптарын одоно бузган.
Тактап айтканда, кезектүүлүктү сактабастан, буга чейин турак жайы бар 200дөн ашык адамга мыйзамсыз негизде жер тилкелери бөлүнгөнү аныкталган.
Бул факты боюнча КР Жазык кодексинин 337-беренесинин 2-бөлүмү (кызмат абалынан кыянаттык менен пайдалануу) боюнча кылмыш иши козголуп, тиешелүү тергөө иштери жүрүп жатат.
