Жарыяланган
2026-23-03, 09:02Жибек Жолу проспектисиндеги көпүрөнүн түштүк тарабы реконструкциядан ачылды. Бул тууралуу мэриянын басма сөз кызматынан билдиришти.
Маалыматка ылайык, реконструкцияга чейин көпүрөнүн жалпы туурасы 9 метр болуп, бул жол кыймылына олуттуу кыйынчылыктарды жаратып келген. Жаңылоо иштеринин жыйынтыгында көпүрө заманбап талаптарга ылайык кеңейтилди: анын туурасы 34,3 метрге, ал эми узундугу 25 метрге жетти.
Долбоордун алкагында көпүрө толугу менен кайра курулуп, кыймыл тилкелеринин саны көбөйтүлдү. Ошондой эле жөө жүргүнчүлөр үчүн ыңгайлуу тротуар жасалды.
