Жарыяланган
2025-08-08, 16:37Улуттук банк Бишкектеги үч акча алмаштыруучу жайга айып пул салды. Бул тууралуу аталган мекеменин маалымат кызматы билдирди.
Маалыматка караганда, акча алмаштыруучу жайлар өлкө мыйзамдарын жана Улуттук банктын ченемдик укуктук актыларын бузгандыгы үчүн айыпка жыгылды. Алардан ар бири 55 миң сомдон айып төлөйт.
Адатта Улуттук банк айыпка жыгылган акча алмаштыруучу жайлардын атын ачыктабайт.
