Бишкектен Ала-Арча жаратылыш паркына чейин автобустар каттайт. Жол кире канча болот?

Майдагы эс алуу күндөрү Бишкектен Ала-Арча жаратылыш паркына чейин автобус каттамы уюштурулат. Бул тууралуу мэриядан билдиришти. 

Мэр Айбек Жунушалиевдин тапшырмасы боюнча майдагы эс алуу күндөрүнө байланыштуу 1-майдан 11-майга чейин борбор калаадан Ала-Арча жаратылыш паркына чейин автобус каттамы уюштурулат.

Автобустар Т. Усубалиев атындагы аянттан Ала-Арча жаратылыш паркына чейин каттайт. Накталай төлөгөндөр үчүн жол кире 50 сом, накталай эмес төлөгөндөргө 40 сом болот. Автобустар саат 08:00дөн 19:00гө чейин каттамда болот, бирок зарылдык болсо, иш тартиби кайрадан каралып чыгат.

Каттамга газ менен жүргөн 12 метрлик ISUZU автобустары чыгат. 

Ошондой эле Ала-Арча жаратылыш паркынын ичинде акысыз негизде эки жаңы электр бус каттайт.